தள்ளிப்போகும் ராயன்: என்ன காரணம்?

தனுஷ் தனது 50வது படமாக 'ராயன்' என்கிற படத்தை இயக்கி நடித்துள்ளார். இந்த படத்தில் எஸ்.ஜே.சூர்யா, சந்தீப் கிஷன், காளிதாஸ் ஜெயராம், செல்வராகவன், பிரகாஷ் ராஜ், துஷாரா விஜயன், அபர்ணா பாலமுரளி உள்ளிட்டோர் முக்கிய கதாபாத்திரங்களில் நடித்துள்ளனர். ஏ.ஆர்.ரஹ்மான் இப்படத்திற்கு இசையமைத்துள்ளார்.

ஏற்கனவே இத்திரைப்படம் ஜூன் 13ம் தேதி திரைக்கு வரும் என அறிவித்த நிலையில், கடந்த சில நாட்களாக இப்படம் தள்ளிப்போவதாக சினிமா வட்டாரத்தில் பரபரப்பாக பேசப்படுகிறது. இப்போது நமக்கு கிடைத்த தகவலின்படி, ராயன் படம் ஜூன் மாதத்தில் இருந்து ஜூலை 26ம் தேதிக்கு தள்ளிப் போவதாக தெரிவிக்கின்றனர். இதற்கு காரணமாக லோக்சபா தேர்தல் ரிசல்ட் பரபரப்பால் ராயன் படத்திற்கு எந்த பாதிப்பும் ஏற்பட கூடாது எனத் தயாரிப்பு நிறுவனம் தள்ளி வைத்ததாக தகவல்கள் வெளியாகியுள்ளது.