நிவேதா பெத்துராஜின் போலீஸ் சோதனை வீடியோ, உண்மை என்ன? - சஸ்பென்ஸ் உடைந்தது
ADDED : 493 days ago
சில தினங்களுக்கு முன்பு நடிகை நிவேதா பெத்துராஜ் காரில் சென்றபோது, அதை வழிமறித்த காவல் துறை அதிகாரிகள், காரை சோதனை செய்ய வேண்டும் என்று கூறியபோது அதற்கு எதிராக நிவேதா பெத்துராஜ், அவர்களிடத்தில் வாக்குவாதம் செய்தார். அப்போது அதை செல்போனில் வீடியோ எடுத்தவர் மீதும் அடிக்க பாய்ந்தார் நிவேதா பெத்துராஜ். இப்படியொரு வீடியோ சோசியல் மீடியாவில் வெளியானபோது, இந்த வீடியோ உண்மையா? இல்லை ஏதேனும் திரைப்படத்தில் உள்ள காட்சியா? என சந்தேகங்கள் எழுந்து வந்தது.
இந்நிலையில் தற்போது அது ஒரு பிரமோஷன் வீடியோ என்பது தெரிய வந்துள்ளது. தமிழ், தெலுங்கில் தயாராகி வரும் பருவு என்று வெப் தொடரில் தற்போது நடித்து வருகிறார் நிவேதா பெத்துராஜ். அதில் இடம் பெறும் ஒரு காட்சியில் கார் டிக்கியில் ஒரு பிணத்தை அவர் கொண்டு செல்லும் போது தான் காவல்துறை அதிகாரிகள் அவரிடத்தில் விசாரணை நடத்துகிறார்கள். இது குறித்த வீடியோவை தற்போது ஜி5 தங்களது இன்ஸ்டா பக்கத்தில் வெளியிட்டுள்ள அந்த சஸ்பென்ஸை உடைத்துள்ளார்கள்.