அஜித்துக்கு ஜோடியாக கீர்த்தி சுரேஷ் நடிக்கிறாரா?

விடாமுயற்சி படத்தில் அஜித்துக்கு ஜோடியாக திரிஷா நடித்து வரும் நிலையில், ஆதிக் ரவிச்சந்திரன் இயக்கத்தில் அஜித் நடித்து வரும் குட் பேட் அக்லி படத்தில் அவருக்கு ஜோடியாக நடிப்பது யார் என்பது இன்னும் உறுதியாகவில்லை. இந்த படத்தில் நடிக்க நயன்தாராவுடன் பேச்சுவார்த்தை நடத்தப்பட்டதாக கூறப்பட்டது. அதையடுத்து தெலுங்கு நடிகை ஸ்ரீலீலா நடிப்பதாகவும் செய்திகள் வெளியாகின. இப்போது இந்த படத்தில் கீர்த்தி சுரேஷ் நடிக்க இருக்கிறார் என்று ஒரு செய்தி வெளியாகி இருக்கிறது. தமிழ், தெலுங்கு, ஹிந்தி வரை கீர்த்தி சுரேஷ் நடித்து வருவதால் அவருக்கு இந்த வாய்ப்பு கிடைத்திருப்பதாக கூறப்படுகிறது. ஒருவேளை இந்த செய்தி உண்மையாக இருந்தால் அஜித்துக்கு ஜோடியாக கீர்த்தி சுரேஷ் நடிக்கும் முதல் படம் இதுவாக இருக்கும்.