விஜய் சேதுபதியை தொடர்ந்து தனுஷின் ஐம்பதாவது படமும் வெற்றி பெறுமா?

ஷங்கர் இயக்கத்தில் கமல் நடித்திருக்கும் இந்தியன் 2 படம் ஜூலை பன்னிரண்டாம் தேதி திரைக்கு வருகிறது. இதே நாளில் அக்ஷய் குமார் நடிப்பில் சுதா இயக்கி உள்ள சர்பிரா ஹிந்தி படமும் திரைக்கு வருகிறது. இந்த படத்தை தயாரித்துள்ள சூர்யா, கெஸ்ட் ரோலில் நடித்திருக்கிறார். இந்த நிலையில் இந்தியன் 2 படம் திரைக்கு வந்து இரண்டு வாரத்திற்கு பிறகு ஜூலை 26ம் தேதி தனுஷின் ஐம்பதாவது படமான ராயன் திரைக்கு வருகிறது. தான் இயக்கி நடித்திருக்கும் 50-வது படத்தை ஹிட் படமாக கொடுத்து விட வேண்டும் என்பதற்காகவே பெரிய அளவில் போட்டியில்லாத களத்தில் இறக்கி விட வேண்டும் என்று திட்டமிட்டு வந்த தனுஷ், தற்போது ஜூலை 26ம் தேதி ராயனை வெளியிடுகிறார். தற்போது திரைக்கு வந்து வெற்றிகரமாக ஓடிக்கொண்டிருக்கும் விஜய் சேதுபதியின் 50வது படமான மகாராஜாவை போன்று தனது ராயன் படத்தையும் ஹிட் படமாக்கி விட வேண்டும் என்று அடுத்தபடியாக தீவிரமான பிரமோஷன்களில் ஈடுபடவும் திட்டமிட்டுள்ளார்.