தொடர்ந்து திரைப்பட விழாக்களுக்கு செல்லும் ஏழு கடல் ஏழு மலை படம்

ராம் இயக்கத்தில் நிவின் பாலி, அஞ்சலி, சூரி ஆகியோர் முதன்மை கதாபாத்திரத்தில் நடித்துள்ள படம் 'ஏழு கடல் ஏழு மலை'. யுவன் சங்கர் ராஜா இசையமைத்துள்ள இந்த படத்தை வி ஹவுஸ் புரொடக்ஷன்ஸ் சுரேஷ் காமாட்சி தயாரித்துள்ளார். இதன் படப்பிடிப்பு முடிவடைந்தும் இன்னும் வெளியாகவில்லை. பல்வேறு திரைப்பட விழாக்களில் தொடர்ந்து பங்கேற்று வருகிறது.

ஏற்கனவே இப்படம் 53 வது ரோட்டர்டாம் உலகத் திரைப்பட விழா மற்றும் மாஸ்கோ சர்வதேச ஆகிய திரைப்பட விழாக்களில் திரையிடப்பட்டது. இந்த நிலையில் இப்போது 74வது டரான்சில்வேனியா திரைப்பட விழாவில் திரையிட தேர்வாகியுள்ளதாக படக்குழுவினர் அறிவித்துள்ளனர்.