காதலனை அறிமுகப்படுத்திய ஜெய்பீம் நடிகை ரஜிஷா

முன்னணி மலையாள நடிகை ரஜிஷா விஜயன். 'அனுராக கார்க்கின் வெள்ளம்' படத்தில் அறிமுகமான இவர் அதன் பிறகு ஒரு சினிமாக்காரன், ஜூன், பைனல், லவ், கீடம் உள்ளிட்ட பல படங்களில் நடித்தார். தமிழில் ஜெய்பீம், கர்ணன், சர்தார் படங்களில் நடித்தார்.

இந்த நிலையில் ரஜிஷாவும் மலையாள ஒளிப்பதிவாளர் டோபின் தாமசும் காதலித்து வருவதாக கடந்த சில மாதங்களாகவே தகவல்கள் வெளியானது. இருவரும் ஜோடியாக சில இடங்களில் சுற்றிய புகைப்படங்களும் வெளியாகி இதை உறுதி செய்தது. காதலை பற்றி இருவருமே மவுனம் காத்து வந்த நிலையில், ஜோடியாக எடுத்துக்கொண்ட புகைப்படங்களை இருவருமே சமூக வலைத்தளங்களில் பதிவிட்டுள்ளனர். இதன்மூலம் இருவருமே தங்கள் காதலை உறுதி செய்துள்ளனர்.

இருவர் குடும்பத்தாரின் சம்மதத்துடன் விரைவில் திருமண நிச்சயதார்த்தம் நடக்க இருப்பதாக தெரிகிறது. வருங்கால மணமக்களுக்கு ரசிகர்கள் வாழ்த்து தெரிவித்து வருகிறார்கள்.