கன்னட குணசித்ர நடிகை புற்று நோயால் மரணம்
ADDED : 462 days ago
கன்னட சினிமாவின் முன்னணி குணசித்ர நடிகை அபர்ணா வஸ்த்ரே. மாசனாட கூவு, சங்ரம்மா, நம்மோர ராஜா, இன்ஸ்பெக்டர் விக்ரம், டாக்டர் கிருஷ்ணா உள்பட பல படங்களில் நடித்துள்ளார். தொலைக்காட்சி தொகுப்பாளராகவும் பணியாற்றி உள்ளார். கன்னட பிக்பாஸ் நிகழ்ச்சியிலும் பங்கேற்றுள்ளார்.
சில மாதங்களுக்கு முன்பு அபர்ணா வஸ்த்ரேவுக்கு நுரையீரல் புற்றுநோய் பாதிப்பு ஏற்பட்டது. இதற்காக மருத்துவமனையில் அனுமதிக்கப்பட்டு சிகிச்சை பெற்று வந்தார். இந்த நிலையில் சிகிச்சை பலன் இன்றி அபர்ணா வஸ்த்ரே மரணம் அடைந்தார். அவருக்கு வயது 57.
அபர்ணா வஸ்த்ரே மறைவுக்கு கன்னடன திரையுலகினர் இரங்கல் தெரிவித்து வருகிறார்கள். கர்நாடக முதல்வர் சித்தாராமையா வெளியிட்டுள்ள இரங்கல் செய்தியில், 'பன்முக திறமை கொண்ட அபர்ணா மரணம் அடைந்த செய்தி கேட்டு வருத்தம் அடைந்தேன். அவரது ஆன்மா சாந்தியடையட்டும்' என்று குறிப்பிட்டு உள்ளார்.