பிரசாந்தின் அந்தகன் டிரைலர் வெளியானது : ஆகஸ்டில் ரிலீஸ்

தியாகராஜன் இயக்கத்தில் பிரசாந்த், கார்த்திக், சிம்ரன், பிரியா ஆனந்த், சமுத்திரக்கனி, யோகி பாபு உள்ளிட்ட பலர் முக்கிய வேடங்களில் நடித்துள்ள படம் அந்தகன். கடந்த இரண்டு ஆண்டுகளுக்கு முன்பே இப்படத்தின் படப்பிடிப்பு முடிவடைந்து விட்ட நிலையில் தற்போதுதான் டிரைலர் வெளியிட்டுள்ளார்கள். இப்படத்தில் பிரசாந்த் கண் பார்வையற்ற மாற்றுத்திறனாளியாக நடித்திருக்கிறார். சஸ்பென்ஸ் திரில்லர் கதையில் உருவாகி இருக்கும் இந்த படத்தில் அடுத்தடுத்து சில கொலைகள் நடைபெறுகிறது. அந்த கொலைகளுக்கு யார் காரணம் என்பது போன்ற கேள்விகளுடன் கதை செல்கிறது. சமுத்திரகனி காவல்துறை அதிகாரியாக நடித்திருக்கும் இந்த படத்தில் கார்த்திக் முத்துராமன் ஒரு முக்கிய வேடத்தில் நடித்துள்ளார். சந்தோஷ் நாராயணன் பின்னணி இசையமைத்துள்ள இந்த படம் ஆகஸ்ட் மாதம் திரைக்கு வருவதாக அறிவிக்கப்பட்டிருக்கிறது.