‛கைதி 2' படத்தில் கமல், விஜய், சூர்யா

ரஜினி நடிப்பில் தற்போது கூலி படத்தை இயக்கி வருகிறார் லோகேஷ் கனகராஜ். ஐதராபாத்தில் படப்பிடிப்பு நடக்கிறது. இந்த படத்தில் அவரது எல்சியு காட்சிகள் இடம் பெறாது என கூறப்படுகிறது. என்றாலும் இந்த படத்தை அடுத்து கார்த்தி நடிப்பில் அவர் இயக்கப் போகும் கைதி 2 படத்தில் எல்சியு காட்சிகள் இடம் பெறுகிறது. குறிப்பாக விக்ரம் பட கேரக்டரில் கமல்ஹாசனும், ரோலக்ஸ் கேரக்டரில் சூர்யாவும் நடிப்பதோடு, விஜய்யின் லியோ பட கேரக்டரும் வாய்ஸ் ஓவராக இப்படத்தில் இடம் பெறும் என்கிறார்கள். கூலி படப்பிடிப்பு முடிந்ததும் அடுத்த ஆண்டு கைதி-2 படப்பிடிப்பு தொடங்குகிறது.