'சர்பிரா' படம் பார்க்க டீ, சமோசா இலவசம்

தமிழில் அதிக வரவேற்பைப் பெற்ற பயோபிக் படமான 'சூரரைப் போற்று' படத்தின் ஹிந்தி ரீமேக் மோசமான வரவேற்பைப் பெற்று அதிர்ச்சிக்குள்ளாக்கி உள்ளது. தமிழில் படத்தை இயக்கிய சுதா கொங்கரா ஹிந்தியிலும் படத்தை இயக்க தமிழில் நடித்த சூர்யா, மனைவி ஜோதிகாவுடன் மற்றும் சிலருடன் இணைந்து தயாரித்துள்ள படம்.

முதல் நாள் இந்திய வசூலாக இரண்டரை கோடி, அதற்கடுத்த நாள் வசூலாக நான்கரை கோடி என இரண்டாவது நாளில் கொஞ்சம் அதிகரித்துள்ளது. ஆனாலும், இந்த வசூல் மிக மிகக் குறைவு.

இன்று முதல் வேலை நாள் என்பதால் படத்தின் வசூல் மேலும் குறைய வாய்ப்புள்ளது. அதனால், பிவிஆர் மற்றும் ஐனாக்ஸ் தியேட்டர்களில் இப்படத்தைப் பார்க்க வந்தால் டீ, சமோசா ஆகியவை இலவசம் என அறிவித்துள்ளார்கள்.

'சர்பிரா'வைப் பார்க்க 'சமோசா' இலவசமாகத் தர வேண்டிய சூழல் வந்துள்ளது குறித்து ஹிந்தித் திரையுலகத்தினர் கவலையில் ஆழ்ந்துள்ளனராம்.