ஆகஸ்ட் 15 ரிலீஸ் ரேஸில் இணைந்த டிமான்டி காலனி 2

விக்ரம் நடிப்பில் ரஞ்சித் இயக்கியுள்ள தங்கலான் படம் வருகிற ஆகஸ்ட் 15ம் தேதி திரைக்கு வருகிறது. இதேப்போல் தியாகராஜன் இயக்கத்தில் பிரசாந்த் நடித்திருக்கும் அந்தகன் மற்றும் கீர்த்தி சுரேஷ் நடித்துள்ள ரகு தாத்தா போன்ற படங்களும் இதே ஆகஸ்ட் 15ம் தேதி திரைக்கு வர உள்ளன. இந்த மூன்று படங்களுடன் இப்போது ‛டிமான்டி காலனி 2' படமும் இணைந்துள்ளது. அஜய் ஞானமுத்து இயக்கி உள்ள இந்த படத்தில் அருள்நிதி, பிரியா பவானி சங்கர் முதன்மை வேடத்தில் நடித்துள்ளனர். கடந்த 2022ம் ஆண்டு ஆகஸ்ட் 15ம் தேதி பா.ரஞ்சித் இயக்கிய நட்சத்திரம் நகர்கிறது என்ற படமும், அஜய் ஞானமுத்து இயக்கிய கோப்ரா படமும் நேருக்கு நேர் மோதின. தற்போது அவர்கள் மீண்டும் இந்த ஆண்டு ஆகஸ்டு 15ம் தேதியும் பலப்பரீட்சை செய்கிறார்கள்.