உள்ளூர் செய்திகள்

/ சினிமா / செய்திகள் / திரையுலக பயணத்தில் 50வது ஆண்டில் பாலகிருஷ்ணா

திரையுலக பயணத்தில் 50வது ஆண்டில் பாலகிருஷ்ணா

தெலுங்கு திரையுலகில் சீனியர் நடிகரான பாலகிருஷ்ணா தென்னிந்திய அளவில் தனது அதிரடி ஆக்ஷ்ன் காட்சிகளாலும் வித்தியாசமான வசன உச்சரிப்புகளும் மற்றும் புது பாணியிலான மேனரிசங்களாலும் ரசிகர்களை கவர்ந்தவர். இப்போதும் அவரது படங்கள் தொடர்ந்து வெற்றி படங்களாக மிகப்பெரிய அளவில் வசூலை ஈட்டி வருகின்றன. அந்த வகையில் தற்போது தனது திரையுலக பயணத்தில் ஐம்பதாவது வருடத்தில் அடியெடுத்து வைத்துள்ளார் பாலகிருஷ்ணா.

64 வயதாகும் பாலகிருஷ்ணா கடந்த 1974ல் வெளியான தடம்மா காலா என்கிற படத்தில் குழந்தை நட்சத்திரமாக நடித்திருந்தார். இவரது தந்தை என்டி ராமராவ் தான் இந்த படத்தின் கதாநாயகனாக நடித்ததுடன் இந்த படத்தை இயக்கியும் இருந்தார். அதனைத் தொடர்ந்து 1983ல் சாகசமே ஜீவிதம் என்கிற படத்தின் மூலம் கதாநாயகனாக அறிமுகமான பாலகிருஷ்ணா நூற்றுக்கும் மேற்பட்ட படங்களில் நடித்துள்ளதுடன் இப்போது வரை தொடர்ந்து கதாநாயகனாகவே நடித்து வருகிறார் என்பதும் குறிப்பிடத்தக்கது.


தினமலர் சேனல்களுக்கு SUBSCRIBE செய்யுங்கள் !