ஹேக் செய்யப்பட்டதா ஸ்ருதிஹாசனின் இன்ஸ்டாகிராம் கணக்கு?

நடிகை ஸ்ருதிஹாசன் தற்போது தமிழை விட தெலுங்கில் அதிக கவனம் செலுத்தி நடித்து வருகிறார். இன்னொரு பக்கம் சோசியல் மீடியா பக்கத்தில் ஆக்டிவாக இருக்கும் ஸ்ருதிஹாசன் இன்ஸ்டாகிராம் மற்றும் எக்ஸ் பக்கங்களில் தொடர்ந்து தன்னை பற்றிய தகவல்களை பகிர்ந்து கொண்டு வருகிறார். அதிலும் குறிப்பாக அதிக அளவில் அவர் பயன்படுத்துவது இன்ஸ்டாகிராம் கணக்கைத் தான். கிட்டத்தட்ட 26 மில்லியன் ரசிகர்கள் அவரை இன்ஸ்டாகிராமில் பின் தொடர்கின்றனர்.

இந்த நிலையில் தனது மொபைலில் இன்ஸ்டாகிராம் வேலை செய்யவில்லை என்றும் இதற்கு தீர்வு தெரிந்தவர்கள் தயவு செய்து உதவி செய்யுங்கள் என்றும் கேட்டுக் கொண்டுள்ளார் ஸ்ருதிஹாசன். அதே சமயம் இந்த இன்ஸ்டாகிராம் செயலியை நீக்கிவிட்டு திரும்பவும் புதிதாக பதிவு செய்யுங்கள் என்கிற யோசனையை மட்டும் யாரும் கூற வேண்டாம், ஏனென்றால் அது ஒர்க் அவுட் ஆகவில்லை என்றும் அவர் கேட்டுக் கொண்டுள்ளார். இது அவரது மொபைல் போன் சாப்ட்வேர் சம்பந்தப்பட்ட பிரச்சனையா அல்லது அவரது கணக்கை திறக்க விடாமல் யாராவது விஷமிகள் அதை ஹேக் செய்து விட்டார்களா என்பது குறித்து விவரம் எதுவும் தெரியவில்லை.