வேட்டையன் ரஜினியுடன் மோதப் போகிறாரா ஜீவா?

ரஜினி நடித்திருக்கும் வேட்டையன் படம் அக்டோபர் 10ம் தேதி திரைக்கு வருகிறது. இந்த படத்தை ரெட் ஜெயன்ட் மூவிஸ் தமிழகம் முழுக்க வெளியிடுகிறது. இதன் காரணமாக வேட்டையன் படத்திற்கு முக்கியத்துவம் வாய்ந்த தியேட்டர்கள் கைப்பற்றப்பட்டு வருகிறது. இந்த நேரத்தில் ஜீவா, பிரியா பவானி சங்கர் நடித்திருக்கும் 'பிளாக்' என்ற படமும் அக்டோபர் 10ம் தேதி வெளியாக இருப்பதாக ஒரு தகவல் வெளியாகியிருக்கிறது.

ரஜினியின் வேட்டையன் அக்டோபர் 10ம் தேதி வெளியாகிறது என்றதும், சூர்யாவின் கங்குவா நவம்பர் 14ம் தேதிக்கு தள்ளி வைக்கப்பட்ட நிலையில், தற்போது ஜீவாவின் 'பிளாக்' படத்தை அதே நாளில் வெளியிட திட்டமிட்டுள்ளார்கள். என்றாலும் பெருவாரியான தியேட்டர்களில் ரஜினியின் வேட்டையனே வெளியாவதால் பிளாக் படத்திற்கு குறைவான தியேட்டர்களே கிடைக்கும் என்று தெரிகிறது.