தனுஷின் ‛நீக்' ரிலீஸ் எப்போது

‛ராயன்' படத்தை இயக்கிய தனுஷ் அடுத்து இயக்கி உள்ள படம் 'நிலவுக்கு என் மேல் என்னடி கோபம்'. சுருக்கமாக ‛நீக்' என குறிப்பிடுகின்றனர். இதில் கதாநாயகனாக அவரது அக்கா மகன் பவிஷ் அறிமுகமாகிறார். அனைகா சுரேந்திரன், மேத்யூ தாமஸ், பிரியா பிரகாஷ் வாரியர், சரத்குமார் உள்ளிட்ட பலர் முக்கிய வேடத்தில் நடிக்கின்றனர். ஜி.வி. பிரகாஷ் இசையமைக்கும் இந்த படத்தை தனுஷின் வுண்டர்பார் பிலிம்ஸ் மற்றும் ஆர்.கே.புரொடக்சன்ஸ் என இரு நிறுவனங்கள் இணைந்து தயாரிக்கின்றனர். சமீபத்தில் இந்த படத்திலிருந்து வெளிவந்த 'கோல்டன் ஸ்பெரோ' எனும் பாடல் இன்னும் வைரலாக உள்ளது. படப்பிடிப்பு முடிந்து மற்ற பணிகள் நடந்து வருகின்றன. இந்த நிலையில் இத்திரைப்படத்தை வருகின்ற டிசம்பர் மாதத்தில் கிறிஸ்துமஸ் வாரத்தில் வெளியிட திட்டமிட்டு வருவதாக தகவல்கள் தெரிவிக்கின்றன.