சட்டம் என் கையில் படத்துக்கு கூடுதல் தியேட்டர்கள் : நடிகர் சதீஷ் வெளியிட்ட தகவல்

காமெடி நடிகர் சதீஷ் ஹீரோவாக நடித்து கடந்த வாரத்தில் திரைக்கு வந்த படம் சட்டம் என் கையில். இந்த படத்திற்கு ரசிகர்கள் மத்தியில் கிடைத்து வரும் வரவேற்பு குறித்து ஒரு வீடியோ வெளியிட்டுள்ளார் சதீஷ். அந்த வீடியோவில், கடந்த வாரம் வெளியான சட்டம் என் கையில் படம் ரசிகர்களின் வரவேற்போடு ஓடிக் கொண்டிருக்கிறது. பத்திரிக்கை, தொலைக்காட்சி, இணையதளங்கள் மற்றும் பொதுமக்கள் கொடுத்த பாசிட்டிவான விமர்சனங்கள்தான் இந்த படத்தின் வெற்றிக்கு உதவி உள்ளது.

நல்ல விமர்சனங்கள் காரணமாக சட்டம் என் கையில் படத்திற்கு தற்போது கூடுதலாக தியேட்டர்கள் ஒதுக்கப்பட்டு வருகிறது. இதுவரை இப்படத்தை பார்க்காதவர்கள் பாருங்கள். பார்த்தவர்கள் பிடித்திருந்தால் மீண்டும் சென்று பாருங்கள். ஒரு நல்ல படத்தை கொடுத்துள்ளோம் என்ற நம்பிக்கையில் இருக்கிறோம். நல்ல படங்களுக்கு எப்போதுமே மக்களின் ஆதரவு இருக்கிறது. இனிமேல் சட்டம் என் கையில் படம் உங்கள் கையில் என்று அந்த வீடியோவில் கூறியிருக்கிறார்.