சூர்யா படத்துக்காக லொகேஷன் பார்க்கும் ஆர்.ஜே.பாலாஜி!

சிவா இயக்கத்தில் சூர்யா நடித்துள்ள 'கங்குவா' படம் நவம்பர் 14ம் தேதி திரைக்கு வருகிறது. அதையடுத்து கார்த்திக் சுப்பராஜ் இயக்கிய தன்னுடைய 44வது படத்திலும் நடித்து முடித்து இருக்கிறார் சூர்யா. இந்த நிலையில் அடுத்தபடியாக வெற்றிமாறன் இயக்கும் 'வாடிவாசல்' படத்தில் அவர் நடிப்பார் என்று எதிர்பார்க்கப்பட்ட நிலையில், சூர்யாவின் 45வது படத்தை ஆர்.ஜே.பாலாஜி இயக்க இருப்பதாக செய்தி வெளியாகியுள்ளது.

இந்நிலையில் தற்போது அப்படத்துக்காக லொகேஷன் பார்க்கும் பணிகளில் ஈடுபட்டுள்ளார் ஆர்.ஜே.பாலாஜி. அது குறித்த வீடியோவையும் அவர் தனது இணைய பக்கத்தில் பதிவிட்டுள்ளார். மேலும், ஏ.ஆர்.ரஹ்மான் இசையமைக்கும் இந்த படத்தை ட்ரீம் வாரியர் பிக்சர்ஸ் தயாரிக்க இருக்கிறது.