கார் ரேஸிங் செல்லும் அஜித்குமாருக்கு வாழ்த்து தெரிவித்த ஷாலினி!

தற்போது 'விடாமுயற்சி' படத்தை அடுத்து 'குட் பேட் அக்லி' என்ற படத்தில் நடித்து வருகிறார் அஜித்குமார். இப்படத்தின் படப்பிடிப்பு ஸ்பெயின் நாட்டில் நடைபெற்று வருகிறது. இந்த படங்களில் 'விடாமுயற்சி' இந்த ஆண்டு இறுதியிலும், 'குட் பேட் அக்லி' படம் அடுத்த ஆண்டு பொங்கல் தினத்திலும் வெளியாக இருப்பதாக கூறப்படுகிறது. மேலும் திரைப்படங்களில் நடித்துக் கொண்டு இன்னொரு பக்கம் பைக் பயணம் சென்றுவரும் அஜித்குமார், விரைவில் ஐரோப்பாவில் நடைபெற இருக்கும் கார் பந்தயத்திலும் கலந்து கொள்ள உள்ளார்.

இந்த நிலையில் அஜித்தின் மனைவியான நடிகை ஷாலினி தன்னுடைய இன்ஸ்டாகிராமில் அவருக்கு வாழ்த்து தெரிவித்திருக்கிறார். அதில், 'நீங்கள் கார் ரேஸில் மறுபடியும் இறங்குவதை பார்க்க மகிழ்ச்சியாக உள்ளது. உங்களது விருப்பத்தை செய்கிறீர்கள். உங்களுக்கும் உங்கள் அணிக்கும் என்னுடைய வாழ்த்துக்கள்,' என்று பதிவிட்டு இருக்கிறார் ஷாலினி.