‛தக் லைப்' பட அப்டேட் தந்த த்ரிஷா

மணிரத்னம், கமல்ஹாசன் கூட்டணியில் நீண்ட வருடங்களுக்கு பிறகு உருவாகி வரும் திரைப்படம் ' தக் லைப்'. இதில் சிலம்பரசன், அசோக் செல்வன், த்ரிஷா, ஜோஜூ ஜார்ஜ், ஐஸ்வர்யா லஷ்மி உள்ளிட்ட பல முன்னனி நட்சத்திரங்கள் இணைந்து முக்கிய கதாபாத்திரங்களில் நடித்துள்ளனர்.

ரெட் ஜெயண்ட் மூவிஸ், ராஜ்கமல் நிறுவனம், மெட்ராஸ் டாக்கீஸ் ஆகிய நிறுவனங்கள் இணைந்து இப்படத்தை தயாரிக்கின்றனர். இதற்கு ஏ.ஆர்.ரஹ்மான் இசையமைக்கின்றார்.

இதன் படப்பிடிப்பு சென்னை, ராஜஸ்தான், டில்லி, புதுச்சேரி, கோவா போன்ற பகுதிகளில் 120 நாட்களுக்கு மேல் நடந்து சமீபத்தில் நிறைவு பெற்றது. இதில் ஒரு பாடல் காட்சி மட்டும் மீதமிருந்த நிலையில் தற்போது த்ரிஷா அவரது இன்ஸ்டாகிராம் பக்கத்தில், தக் லைப் படத்தின் பாடல் படப்பிடிப்பு நடைபெறுகிறது. இந்த ஆல்பத்தில் அவருக்கு மிகவும் பிடித்த பாடல் என குறிப்பிடப்பட்டுள்ளார். சிம்பு, த்ரிஷா இருவருக்கிடையே உள்ள காதல் பாடலான இதன் படப்பிடிப்பு மும்பையில் நடைபெற்று வருகிறது என்கிறார்கள்.