பொங்கல் ரேசில் இணைந்த பாலாவின் வணங்கான்

பாலா இயக்கத்தில் நடிகர் அருண் விஜய் நடித்துள்ள படம் 'வணங்கான்' . இதனை பாலாவின் பீ ஸ்டுடியோஸ் நிறுவனம் மற்றும் வி அவுஸ் புரொடக்ஷன்ஸ் என இரு நிறுவனங்கள் இணைந்து தயாரிக்கின்றனர். இதில் ரோஷினி பிரகாஷ், சமுத்திரக்கனி, மிஷ்கின் ஆகியோர் முக்கிய கதாபாத்திரங்களில் நடிக்கின்றனர்.

இந்த படத்தின் படப்பிடிப்பு முழுவதும் நிறைவு பெற்று போஸ்ட் புரொடக்ஷன் கடந்த சில மாதங்களாக நடைபெற்று வருகிறது. இன்று அருண் விஜய் பிறந்தநாளை முன்னிட்டு இத்திரைப்படம் 2025ம் ஆண்டு பொங்கலுக்கு திரைக்கு வருகிறது என அறிவித்துள்ளனர். இந்த தேதியில் தெலுங்கில் இருந்து கேம் சேஞ்சர் படம் திரைக்கு வருகிறது. தமிழிலிருந்து இன்னும் எந்தவொரு படமும் அதிகாரப்பூர்வமாக அறிவிக்கவில்லை என்பது குறிப்பிடத்தக்கது.