ஓடிடியில் ஒரு வழியாக வெளிவந்தது 'தங்கலான்'

விக்ரம், பார்வதி திருவோத்து, மாளவிகா மோகனன் மற்றும் பலர் நடிப்பில் பா ரஞ்சித் இயக்கத்தில் ஆகஸ்ட் மாதம் வெளிவந்த 'தங்கலான்'. பொதுவாக ஒரு படம் வெளிவந்தால் நான்கு வாரங்களுக்குப் பிறகு ஓடிடி தளத்தில் வெளியாகி விடும். ஆனால், இப்படம் ஓடிடி வெளியீடு தாமதமாவதற்கு சில வழக்குகள் காரணமாக இருந்தன. அதனால், கடந்த நான்கு மாதங்களாக ஓடிடி தளத்தில் வெளியாகாமல் இருந்தது.

இந்நிலையில் நிலுவையில் இருந்த வழக்குகள் முடிவுக்கு வந்ததை அடுத்து தற்போது நெட்பிளிக்ஸ் ஓடிடி தளத்தில் இப்படம் வெளியாகி உள்ளது. தமிழ், தெலுங்கு, கன்னடம், மலையாளம் ஆகிய மொழிகளில் இடம் பெற்றுள்ளது. ஹிந்தி மொழி வெளியீடு குறித்த தகவல் எதுவும் இல்லை.

தற்போதைய ஓடிடி வெளியீட்டைக் கூட எந்தவித முன்னறிவிப்பும் இல்லாமல் திடீரென வெளியிட்டுள்ளார்கள்.