ஒரு படம் ஓடுவதற்குள் கோடியில் சம்பளம் பேசும் லவ் டுடே நடிகர்

லவ் டுடே நடிகர், அந்த படத்தின், 'ஹிட்' காரணமாக தற்போது, மூன்று படங்களில், 'ஹீரோ' ஆக நடித்து வருகிறார். அதோடு, முதல் படத்தில் நடிக்க, லட்சங்களில் மட்டுமே சம்பளம் வாங்கியவர், புதிதாக தான் நடிக்க போகும் படங்களுக்கு, 12 கோடி ரூபாய் சம்பளம் தர வேண்டும் என, 'கெத்து' காட்டி வருகிறார்.

இதனால், இந்த நடிகரை ஓரிரு கோடிகளில் வளைத்து போட்டு விடலாம் என நினைத்த தயாரிப்பாளர்கள் அதிர்ச்சி அடைந்துள்ளனர். 'ஒரு படம் ஓடுவதற்குள் இவ்வளவு அலம்பல் தேவையா?' என, மேற்படி நடிகரிடம் கேள்வியும் எழுப்பி வருகின்றனர். ஆனால், நடிகரோ, 'இதுதான் என் ரேட், முடிஞ்சா வெட்டு, இல்லேன்னா ஏறக்கட்டு...' என, 'சொடக்' போட்டு பேசி வருகிறார்.