தமிழில் வெப் தொடர் அறிமுகமாகிறார் ஜான்வி கபூர்!

மறைந்த நடிகை ஸ்ரீ தேவி மற்றும் தயாரிப்பாளர் போனி கபூரின் மூத்த மகள் ஜான்வி கபூர் ஹிந்தியில் பல படங்களில் கதாநாயகியாக நடித்து வருகிறார். கடந்த வருடத்தில் தெலுங்கில் வெளிவந்த 'தேவாரா' படத்தின் மூலம் தெலுங்கு சினிமாவிலும் அறிமுகமானார்.

ஜான்வி கபூரை கடந்த சில வருடங்களாக தமிழில் கதாநாயகியாக அறிமுகபடுத்த பல இயக்குனர்கள் முன்வந்தனர். ஆனால் அது எதுவும் கை கொடுக்கவில்லை. தற்போது நெட்பிளிக்ஸ் ஓடிடி நிறுவனம் உருவாக்கும் வெப் தொடரின் மூலம் ஜான்வி கபூர் தமிழில் அறிமுகமாகிறார். இது தமிழ், தெலுங்கு மொழியில் உருவாகிறது. இதனை பா. ரஞ்சித்தின் நீலம் புரொடக்சன்ஸ் தயாரிக்கிறது. இயக்குனர் சற்குணம் இந்த வெப் தொடரை இயக்குகிறார் என கூறப்படுகிறது.