கும்பமேளாவில் வெளியிடப்பட்ட தமன்னாவின் ஓடேலா 2 டீசர்

கடந்த 2022ம் ஆண்டு அசோக் தேஜா என்பவர் இயக்கத்தில் தெலுங்கில் வெளியான படம் ஓடேலா. இந்த படத்தின் இரண்டாம் பாகத்தில் தமன்னா கதையின் நாயகியாக நடித்திருக்கிறார். இப்படத்தின் படப்பிடிப்பு முடிவடைந்து தற்போது ரிலீசுக்கு தயாராகி உள்ளது. இந்நிலையில் ஓடேலா- 2 படத்தில் டீசரை உத்தரப்பிரதேச மாநிலத்தில் நடந்து வரும் மகா கும்பமேளாவில் வெளியிட்டுள்ளார்கள் . அசோக் தேஜா இயக்கி உள்ள இந்த படத்தில் தமன்னாவுடன் ஹெபா பட்டேல், யுவா, நாக மகேஷ், வம்சி உள்ளிட்ட பலர் முக்கிய வேடங்களில் நடித்துள்ளார்கள். திகில் காட்சிகள் நிறைந்த இந்த டீசர் தற்போது இணையத்தில் வைரலாகி வருகிறது.