பிரபு, வெற்றி இணைந்து நடித்து ரிலீசுக்கு தயாரான 'ராஜபுத்திரன்'
ADDED : 253 days ago
நடிகர்கள் பிரபு, வெற்றி இணைந்து நடித்துள்ள படம் 'ராஜபுத்திரன்'. மகா கந்தன் இயக்கியுள்ள இப்படத்தில் கிருஷ்ண பிரியா என்பவர் நாயகியாக நடித்துள்ளார். கிரெசண்ட் சைன் கிரியேஷன்ஸ் தயாரித்துள்ள இப்படத்திற்கு நவ்பால் ராஜா இசையமைத்துள்ளார். கன்னடத்தில் நாயகனாக நடித்துக் கொண்டிருக்கும் கோமல் குமார் இப்படத்தின் மூலம் வில்லனாக தமிழில் அறிமுகமாகிறார்
90 காலகட்டத்தில் ராமநாதபுரம் மாவட்டத்தில் நடந்த சில உண்மைச் சம்பவங்களை மையப்படுத்தி காதலுடன், தந்தை மகன் பாச போராட்டத்தையும் இப்படம் உணர்த்தும் என்கிறார் இயக்குனர் மகா கந்தன். படம் பற்றி மேலும் அவர் கூறுகையில், ''ராமநாதபுரம் சுற்றுவட்டார பகுதிகளில் படப்பிடிப்பை நடத்தி முடித்தோம். பொழுதுபோக்கு அம்சங்களுடன் அனைவருக்கும் பிடித்த படமாக ராஜபுத்திரன் நிச்சயம் இருக்கும். படம் ஏப்ரலில் திரைக்கு வர இருக்கிறது'' என்றார்.