மீண்டும் வெளியாகும் பாஸ் என்கிற பாஸ்கரன்

ஆர்யா , சந்தானம், நயன்தாரா நடிப்பில் கடந்த 2010ம் ஆண்டில் வெளியாகி வெற்றி பெற்ற படம் 'பாஸ் என்கிற பாஸ்கரன்'. விஜயலட்சுமி, சித்ரா லட்சுமணன், ஷகிலா, மொட்டை ராஜேந்திரன், சுப்பு பஞ்சு உள்ளிட்டோர் நடித்திருந்த இந்த படத்தை எம்.ராஜேஷ் இயக்கியிருந்தார். படத்தில் ஆர்யா - சந்தானம் காமெடி அனைவரையும் ரசிக்கச் செய்தது. குறிப்பாக 'நண்பேண்டா...' என்ற வார்த்தை பிரபலமானது. இந்த நிலையில் 15 ஆண்டுகளுக்குப் பிறகு படம் ரீ-ரிலீஸ் செய்யப்படுகிறது. வருகிற 21ம் தேதி 50க்கும் மேற்பட்ட தியேட்டர்களில் இந்த படத்தை அமிர்தா பிலிம்ஸ் நிறுவனம் வெளியிடுகிறது.