2028 முதல் ஆஸ்கர் விருதுகளில் சேர்க்கப்படும் 'ஸ்டன்ட் டிசைன்'
ADDED : 150 days ago
உலகப் புகழ் பெற்ற சினிமா விருதுகளில் முதன்மையானதாகக் கருதப்படுவது ஆஸ்கர் விருதுகள். அதில் இதுவரையில் 'ஸ்டன்ட் டிசைன்' பிரிவு சேர்க்கப்படவில்லை.
2029ம் ஆண்டு நடைபெற உள்ள 100வது ஆஸ்கர் விருது வழங்கும் விழாவில் அந்தப் பிரிவு சேர்க்கப்படுகிறது. இது குறித்து அவர்களது எக்ஸ் தளத்தில், “திரைப்படங்களின் மாயாஜாலத்தின் ஒரு பகுதியாக சண்டைக் காட்சிகள் எப்போதும் இருந்து வருகின்றன. இப்போது அவை ஆஸ்கர் விருதுகளின் ஒரு பகுதியாகும்.
ஸ்டன்ட் வடிவமைப்பில் சாதனை படைத்ததற்காக அகாடமி ஒரு புதிய வருடாந்திர விருதை உருவாக்கி உள்ளது. 2028ல் 100வது ஆஸ்கர் விருதுகளுடன் அது ஆரம்பமாகிறது. 2027ல் வெளியான படங்களில் இருந்து அது பெருமைப்படுத்தப்படும்,” என்று குறிப்பிட்டுள்ளார்கள்.
திரைப்படங்களில் உயிரைப் பணயம் வைத்து பல சண்டைக் கலைஞர்கள் உருவாக்கும் இந்த 'ஸ்டன்ட் டிசைன்' பிரிவு ஆஸ்கர் விருதுகளில் சேர்க்கப்பட்டுள்ளது சினிமா ரசிகர்களின் வரவற்பைப் பெற்றுள்ளது.