2025ல் இரண்டாவது 50 நாள் படம் 'டிராகன்'

2025ம் ஆண்டில் இதுவரையில் 70 படங்கள் வரை வெளிவந்துள்ளன. அவற்றில், நான்கைந்து படங்கள் மட்டுமே வசூல் ரீதியாக வெற்றிப் படங்களாக அமைந்துள்ளன.

இன்றைய காலகட்டத்தில் ஒவ்வொரு படமும் அதிகமான தியேட்டர்களில் வெளியாவதால் அவை அதிகபட்சமாக இரண்டு வாரங்கள் வரையில் மட்டுமே ஓடுகின்றன. ஒரு சில படங்கள் மட்டுமே விதிவிலக்காக 25 நாட்கள், 50 நாட்கள் என ஓடுகின்றன.

இந்த வருடத்தில் இரண்டாவது 50வது நாள் படமாக 'டிராகன்' படம் ஓடியுள்ளது. அஷ்வத் மாரிமுத்து இயக்கத்தில், பிரதீப் ரங்கநாதன், அனுபமா பரமேஸ்வரன், கயடு லோஹர் மற்றும் பலர் நடித்த இந்தப் படம் பிப்ரவரி 21ம் தேதி வெளிவந்தது. படம் 50 நாள் ஓடியது குறித்து படக்குழுவினர் மகிழ்ச்சியுடன் போஸ்டரைப் பகிர்ந்துள்ளார்கள்.

இதற்கு முன்பு மணிகண்டன் நடித்த 'குடும்பஸ்தன்' படம் 50 நாட்கள் வரை ஓடியது.