20 கிலோ வெயிட் குறைத்த புகைப்படங்களை வெளியிட்ட நடிகை குஷ்பு!

நடிகை குஷ்பு மீண்டும் திரைப்படங்களில் நடிக்க முயற்சி எடுத்து வந்தார். என்றாலும் அவர் எதிர்பார்த்தபடி காதாபாத்திரங்கள் அமையவில்லை. அதன்காரணமாக தற்போது பட தயாரிப்பு பணிகளில் இறங்கி விட்டவர், அரசியலிலும் ஈடுபட்டு வருகிறார். மேலும், 20 கிலோ வெயிட் குறைத்து தனது உடல் தோற்றத்தை மாற்றிக் கொண்ட புகைப்படங்களை அவர் இணையப்பக்கத்தில் வெளியிட்டுள்ளார். அதோடு எதிர்காலத்துக்கு தயாராக இருப்பதாகவும் பதிவு போட்டுள்ளார்.

மேலும், 'இன்ஸ்டாகிராம், எக்ஸ்' பக்கத்தில் அவர் வெளியிட்டுள்ள வீடியோக்கள் மற்றும் புகைப்படங்களை பார்த்து சக நடிகர் நடிகைகள் அவரது புதிய தோற்றத்தை பார்த்து வாழ்த்து தெரிவித்து வருகிறார்கள். அதேசமயம், குஷ்பு இப்படி 20 கிலோ வெயிட் குறைத்ததை சிலர் ட்ரோல் செய்தும் வருகிறார்கள். அதோடு எடையை குறைப்பதற்கு இவர் மாற்று முறைகளை பயன்படுத்தி உள்ளார் என்று கமெண்ட் கொடுக்க, அதற்கு குஷ்பு எதிர்வினை ஆற்றி வருகிறார்.