25வது நாளில் 'குட் பேட் அக்லி'

ஆதிக் ரவிச்சந்திரன் இயக்கத்தில், ஜிவி பிரகாஷ்குமார் இசையமைப்பில், அஜித், த்ரிஷா மற்றும் பலர் நடிப்பில் கடந்த மாதம் ஏப்ரல் 10ம் தேதி வெளியான படம் 'குட் பேட் அக்லி'. இப்படம் தற்போது 25வது நாளைத் தொட்டுள்ளது.

தமிழகத்தில் முதல் நாளில் 30.9 கோடி வசூல், 5 நாளில் 100 கோடி வசூல், இரண்டாவது வார முடிவில் தமிழகத்தில் 172.3 கோடி வசூல் ஆகியவற்றோடு தற்போது 25 நாள் 'சம்பவம்' என படத்தின் தமிழக வினியோகஸ்தர் ரோமியோ பிக்சர்ஸ் ராகுல் வீடியோ ஒன்றை வெளியிட்டு அஜித் ரசிகர்களை மகிழ்ச்சிப்படுத்தி உள்ளார்.

உலக அளவில் இந்தப் படம் 250 கோடி வசூலைக் கடந்துள்ளதாகத் தகவல் வெளியாகி உள்ளது. மே 1ம் தேதி வெளியான புதிய படங்களால் இப்படத்திற்கான தியேட்டர்கள் குறைந்துள்ளது. மேலும், மே 8ம் தேதி ஓடிடி தளத்தில் வெளியாக உள்ளது. விடுமுறை நாட்கள் என்பதால் இன்னும் சில நாட்கள் தியேட்டர்களில் ஓடலாம். அஜித்தின் படங்களில் அதிக வசூலித்து நம்பர் 1 படமாக சாதனை புரிந்துள்ளது.