'தக் லைப்' டிரைலர் : 24 மணி நேர சாதனை என்ன?

மணிரத்னம் இயக்கத்தில், ஏஆர் ரகுமான் இசையமைப்பில், கமல்ஹாசன், சிலம்பரசன், த்ரிஷா மற்றும் பலர் நடிப்பில் உருவாகியுள்ள 'தக் லைப்' படத்தின் டிரைலரை நேற்று முன்தினம் மாலை யுடியூப் தளத்தில் வெளியானது. நேற்று காலையில் அதன் பார்வைகள் 12 மில்லியனைக் கடந்து, கமல் நடித்து வெளிவந்த 'விக்ரம்' டிரைலரின் சாதனையை முறியடித்தது.

நேற்று மாலையுடன் முடிந்த 24 மணி நேரத்தில் தமிழ், தெலுங்கு, ஹிந்தி ஆகிய மொழிகளையும் சேர்த்து 30 மில்லியன் பார்வைகளைக் கடந்துள்ளது. தமிழில் மட்டுமே 25 மில்லியன் பார்வைகளையும், மற்ற மொழிகளில் 5 மில்லியன் பார்வைகளையும் பெற்றுள்ளது.

இதன் மூலம் தமிழ் சினிமாவில் 24 மணி நேரத்தில் அதிகப் பார்வைகளைப் பெற்ற டிரைலர்களில் 'தக் லைப்', 5வது இடத்தைப் பிடித்துள்ளது. 32.01 மில்லியன் பார்வைகளுடன் முதலிடத்தில் 'குட் பேட் அக்லி', 31.91 மில்லியன் பார்வைகளுடன் இரண்டாமிடத்தில் 'லியோ', 29.2 மில்லியன் பார்வைகளுடன் மூன்றாமிடத்தில் 'தி கோட்', 29.08 மில்லியன் பார்வைகளுடன் நான்காமிடத்தில் 'பீஸ்ட்' டிரைலர்கள் உள்ளன.