ரூ.75 கோடி வசூலைக் கடந்த டூரிஸ்ட் பேமிலி

அறிமுக இயக்குனர் அபிஷன் ஜீவிந்த் இயக்கத்தில் நடிகர் சசிகுமார் மற்றும் நடிகை சிம்ரன் இணைந்து நடித்து வெளியான படம் 'டூரிஸ்ட் பேமிலி' . இலங்கையிலிருந்து தமிழகத்திற்கு வரும் குடும்பத்தினர் இங்குள்ள வாழ்க்கைக்கு எப்படி தங்களை பொருத்திக் கொள்கிறார்கள் என்பதை இப்படம் கலகலப்பாக சொல்கிறது.

இப்படம் வெளியாகி மூன்றாவது வாரத்தை கடந்து திரையரங்குகளில் வெற்றிகரமாக ஓடிவரும் நிலையில் இப்போது உலகளவில் ரூ. 75 கோடிக்கும் மேல் வசூலித்துள்ளது என படக்குழு அதிகாரப்பூர்வமாக அறிவித்துள்ளனர். மேலும், தமிழகத்தில் மட்டும் ரூ. 55 கோடி வசூலைக் கடந்ததாக விநியோக வட்டாரத்தில் தெரிவிக்கின்றனர்.