வேதனை தருகிறது : ராஜேஷ் மறைவுக்கு ரஜினி இரங்கல்

தமிழ் சினிமாவின் மூத்த நடிகர் ராஜேஷ், 75, மாரடைப்பால் சென்னையில் காலமானார். ஹீரோ, வில்லன், குணச்சித்ரம் என 150க்கும் மேற்பட்ட படங்களில் 49 ஆண்டுகள் நடித்துள்ளார். இவரின் மறைவு திரையுலகினர், ரசிகர்கள் இடையே சோகத்தை ஏற்படுத்தி உள்ளது. ராஜேஷ் மறைவுக்கு நடிகர் ரஜினி இரங்கல் தெரிவித்துள்ளார்.

எக்ஸ் தளத்தில் ரஜினி வெளியிட்ட பதிவில், ‛‛என்னுடைய நெருங்கிய நண்பர், நடிகர் ராஜேஷின் அகால மரணச் செய்தி எனக்கு அதிர்ச்சியளிக்கிறது. மிகுந்த மன வேதனையைத் தருகிறது. அருமையான மனிதர், அவருடைய ஆத்மா சாந்தியடையட்டும். அவருடைய குடும்பத்தினருக்கும், நண்பர்களுக்கும் என்னுடைய ஆழ்ந்த அனுதாபங்கள்'' என தெரிவித்துள்ளார்.