'கூலி' படத்தை கைப்பற்றிய நாகார்ஜூனா!

லோகேஷ் கனகராஜ் இயக்கத்தில் ரஜினிகாந்த் நடித்துள்ள படம் 'கூலி'. இதில் அமீர்கான், நாகார்ஜூனா, உபேந்திரா ஆகியோர் முக்கியமான கதாபாத்திரங்களில் நடித்துள்ளனர். அனிருத் இசையமைக்கிறார்.

ஏற்கனவே இந்த படத்தின் பிஸ்னஸ் பணிகள் துவங்கி விறுவிறுப்பாக நடைபெற்று வருகிறது. இந்த படத்தில் வில்லன் கதாபாத்திரத்தில் நாகார்ஜூனா நடித்துள்ளார். தற்போது கூலி படத்தின் ஆந்திரா மற்றும் தெலுங்கானா தியேட்டர் உரிமையை ரூ.43 கோடிக்கு நாகார்ஜூனாவின் அன்னபூர்ணா ஸ்டுடியோஸ் மற்றும் சித்தாரா எண்டர்டெயின்மெண்ட் என இரு நிறுவனங்களும் இணைந்து வாங்கியுள்ளனர் எனத் தெரிவிக்கின்றனர்.