'தேரே இஸ்க் மெயின்' படத்தில் பிரபுதேவா?

'ராஞ்சானா, அட்ராங்கி ரே' ஆகிய படங்களை தொடர்ந்து ஆனந்த் எல் ராய், தனுஷ், ஏ.ஆர். ரஹ்மான் கூட்டணியில் உருவாகி வரும் படம் 'தேரே இஸ்க் மெயின்' . ஏற்கனவே இந்த படத்தின் படப்பிடிப்பு பல கட்டமாக டில்லி, பனாரஸ் ஆகிய பகுதிகளில் நடைபெற்று வருகிறது. இதில் கதாநாயகியாக கீர்த்தி சனோன் நடிக்கிறார்.

இந்த படம் காதலை மையப்படுத்தி உருவாகி வருகிறது .இப்போது இந்த படத்தின் இறுதிகட்ட படப்பிடிப்பு நடைபெற்று வருகிறது. இந்த நிலையில் இந்த படத்தில் ஒரு மிக முக்கியமான கதாபாத்திரத்தில் நடன இயக்குனர் பிரபுதேவா இணைந்து நடித்து வருவதாக ஹிந்தி சினிமா வட்டாரத்தில் தகவல்கள் தெரிவிக்கின்றனர். ஏற்கனவே பிரபுதேவா ஹிந்தியில் படங்களை இயக்கி பிரபலமானவர் என்பது குறிப்பிடத்தக்கது.