ரஜினியின் கூலி படத்தின் ஹிந்தி டைட்டில் மாற்றம்

லோகேஷ் கனகராஜ் இயக்கத்தில் ரஜினி, நாகார்ஜுனா, சத்யராஜ், உபேந்திரா, ஸ்ருதிஹாசன் ஆகியோர் நடிப்பில் உருவாகியுள்ள படம் கூலி. இந்த படம் ஆகஸ்ட் 14ம் தேதி திரைக்கு வருகிறது. தமிழ், தெலுங்கு, ஹிந்தி என பான் இந்தியா படமாக வெளியாகிறது. இந்நிலையில் ஏற்கனவே ஹிந்தியில் அமிதாப்பச்சன் நடிப்பில் கூலி என்ற பெயரில் ஒரு படம் திரைக்கு வந்திருப்பதால் இந்த படத்தின் ஹிந்தி பதிப்புக்கு மஜ்தூர் என்று டைட்டில் வைத்திருந்தார்கள். ஆனால் இந்த டைட்டிலுக்கு சோசியல் மீடியாவில் ட்ரோல்கள் வெளியானதால் தற்போது கூலி படத்தின் ஹிந்தி பதிப்பின் டைட்டிலை மாற்றியுள்ளார்கள். தற்போது இந்த படத்திற்கு ‛கூலி தி பவர் ஹவுஸ்' என்று தலைப்பு மாற்றப்பட்டுள்ளது. அது குறித்த போஸ்டர் தற்போது வெளியிடப்பட்டிருக்கிறது.