தனுஷூக்கு ஜோடியாகும் பூஜா ஹெக்டே!

'குபேரா' படத்தை அடுத்து, நடிகர் தனுஷ் தானே இயக்கி நடித்துள்ள 'இட்லி கடை' திரைப்படம், ஹிந்தியில் 'தேரே இஸ்க் மெயின்' ஆகிய படங்களில் நடித்து முடித்துள்ளார். அடுத்ததாக 'போர் தொழில்' பட இயக்குனர் விக்னேஷ் ராஜா இயக்கத்தில் புதிய படத்தில் நடிக்கவுள்ளார். இதற்கு 'அறுவடை' என தலைப்பு வைத்துள்ளதாக கூறப்படுகிறது. இதனை வேல்ஸ் இன்டர்நேஷனல் நிறுவனம் தயாரிக்கின்றது.
இந்த படத்தின் படப்பிடிப்பை வரும் ஜூலை 15ல் துவங்க திட்டமிட்டுள்ளனர். இந்த படத்தில் கதாநாயகியாக நடிக்க பூஜா ஹெக்டே ஒப்பந்தம் செய்யப்பட்டுள்ளதாக தகவல் வெளியாகியுள்ளது. இவர் தமிழில் ஜீவா உடன் 'முகமூடி', விஜயுடன் 'பீஸ்ட்', சூர்யாவுடன் 'ரெட்ரோ' ஆகிய படங்களில் நடித்திருந்தார். முதலில் மலையாள நடிகை மமிதா பைஜூ நாயகியாக நடிப்பதாக சொல்லப்பட்ட நிலையில், பூஜா ஹெக்டே ஒப்பந்தம் ஆகியுள்ளாராம். விரைவில் அதிகாரப்பூர்வ அறிவிப்பு வெளியாகிறது.