என்னது நான் ஹீரோவா... : டூரிஸ்ட் பேமிலி இயக்குனர் மறுப்பு
ADDED : 91 days ago
டூரிஸ்ட் பேமிலி படத்தை இயக்கிய அபிஷன் ஜீவிந்த் அடுத்து ஹீரோவாக நடிக்கப் போகிறார். டூரிஸ்ட் பேமிலி படத்தில் ஒரு சோகமான கேரக்டரில் நடித்தவர், அந்த படத்தில் பக்கா கமர்ஷியல் ஹீரோவாக மாறப்போகிறார். அந்த படத்தை அவரிடம் இணை இயக்குனரே இயக்கப்போகிறார் என்று கடந்த வாரம் தகவல் கசிந்தன. ஆனால், இந்த தகவலை அபிஷன் ஜீவிந்த் மறுக்கிறார்.
இப்படி கசியும் செய்தி வதந்தி என்கிறார். அடுத்து அவர் ஒரு படத்தை இயக்க தயாராகி வருகிறார். ஒரு முன்னணி ஹீரோ கதை கேட்க தயாராக இருப்பதால், அந்த கதையை மெருகேற்றும் பணியில் இருக்கிறார். அந்த ஹீரோ தனுஷாக இருக்கலாம் என அவருக்கு நெருக்கமானவர்கள் சொல்கிறார்கள்.
டூரிஸ்ட் பேமிலி படம் 91 கோடிக்கு மேல் வசூலித்தாலும், இயக்குனராக, அதுவும் அறிமுக இயக்குனராக அபிஷனுக்கு சில லட்சம் மட்டுமே சம்பளமாக கிடைத்தது. சசிகுமாருக்கும் சில கோடி சம்பளம் மட்டுமே. படத்தின் லாபம் தயாரிப்பாளர், வினியோகஸ்தர்கள், தியேட்டர் அதிபர்களுக்கே சென்றது என்கிறார்கள் விஷயமறிந்தவர்கள்.