சிவகார்த்திகேயன் படத்துடன் மோதும் விஜய் ஆண்டனி

சமீபத்தில் விஜய் ஆண்டனி நடித்து 'மார்கன்' என்ற படம் வெளியாகி ஓரளவு பாராட்டையும், வரவேற்பையும் பெற்றது. இப்படத்தை தொடர்ந்து 'சக்தி திருமகன்' என்கிற அவர் நடித்த படம் ரிலீஸூக்கு தயாராக உள்ளது. அருவி, வாழ் போன்ற படங்களை இயக்கிய அருண் பிரபு இயக்கியுள்ளார். இது விஜய் ஆண்டனியின் 25வது படமாக உருவாகியுள்ளது. இதில் வாகை சந்திரசேகர், சுனில், செல் முருகன், பிரியா ஜித்து உள்ளிட்ட பலர் முக்கிய வேடங்களில் நடித்துள்ளனர். விஜய் ஆண்டனி தயாரித்து, இசையமைத்துள்ளார்.

தலைமை செயலகத்துக்குள் டீ விற்கச் செல்லும் ஒரு சிறுவன், அங்கு நடக்கும் சீக்ரெட்டை தெரிந்து கொண்டு, தான் பெரியவன் ஆனதும் 6000 கோடிக்கு மேல் மோசடி செய்யும் ஒரு செயலில் எவ்வாறு ஈடுபடுகிறான்? அதையடுத்து என்ன நடக்கிறது என்பதே இந்த படத்தின் கதை களமாக அமைந்துள்ளது.

தற்போது இப்படம் வருகின்ற செப்டம்பர் 5ம் தேதி அன்று திரைக்கு வருகிறது என அறிவித்துள்ளனர். ஏற்கனவே இதே தேதியில் சிவகார்த்திகேயன் நடித்துள்ள 'மதராஸி' படமும் வெளியாகிறது என அறிவித்திருந்தனர் என்பது குறிப்பிடத்தக்கது.