அரசியல் கதைகள பின்னனியில் தனுஷ் 54வது படம்!

நடிகர் தனுஷ் அடுத்து ‛போர் தொழில்' பட இயக்குனர் விக்னேஷ் ராஜா இயக்கத்தில் புதிய படத்தில் நடித்து வருகிறார். இது தனுஷின் 54வது படமாக உருவாகிறது. வேல்ஸ் இண்டர்நேஷனல் நிறுவனம் தயாரிக்கும் இந்த படத்திற்கு ஜி.வி. பிரகாஷ் குமார் இசையமைக்கிறார். இந்த படத்தில் கதாநாயகியாக மலையாள நடிகை மமிதா பைஜூ நடிக்கிறார். கே.எஸ். ரவிக்குமார், கருணாஸ், பிரித்வி பாண்டிராஜ் மற்றும் மலையாள நடிகர்கள் ஜெயராம், சுராஜ் வென்ஜரமூடு ஆகியோர் முக்கிய கதாபாத்திரங்களில் நடிக்கின்றனர்.

தற்போது இந்த படத்தின் முதற்கட்ட படப்பிடிப்பு சென்னையில் அரங்கம் அமைத்து நடத்தி வருகின்றனர். இதற்கு பிறகு படப்பிடிப்பு ராமநாதபுரத்தில் நடைபெறவுள்ளது. இந்த நிலையில் இந்த படத்தை 1991 காலகட்டத்தில் தமிழகத்தில் நடந்த அதிமுக ஆட்சி கால பின்னணியில் நடைபெறும் ஒரு சம்பவத்தை மையப்படுத்தி உருவாக்கி வருவதாக தகவல்கள் தெரிவிக்கின்றனர்.