கஞ்சா கடத்தும் காட்டீஸ் : சீலாவதியாக நடிக்கும் அனுஷ்கா

இதுவரை நல்லவராக நடித்த அனுஷ்கா 'காட்டி' படத்தில் கஞ்சா கடத்துபவராக நடிக்கிறாராம். அவருக்கு ரத்தம் சொட்டும் ஆக்ஷன் காட்சிகளும் உண்டாம். ஆந்திரா, ஒடிசா பகுதியில் ஒரு ஏரியாவில் நடந்த உண்மை சம்பவங்கள் அடிப்படையில் இந்த கதை உருவாகி இருக்கிறது. பல கிலோ எடையை ஈஸியாக துாக்கிக்கொண்டு, பல கிலோமீட்டர் பயணிக்கும் அவர்களை ‛காட்டீஸ்' என்பார்களாம். அப்படிப்பட்ட கூட்டத்தை சேர்ந்தவராக அனுஷ்கா நடித்து இருக்கிறார். அவர் கேரக்டர் பெயர் சீலாவதி.

கதை நடக்கும் ஒடிசா மலைப்பகுதிகளிலேயே படப்பிடிப்பு நடத்தினார்களாம். ‛காட்டி' படத்தில் அனுஷ்கா ஜோடியாக நடிப்பவர் விக்ரம்பிரபு. சிம்பு, அனுஷ்கா நடித்த ‛வானம்' படத்தை இயக்கிய கிரிஷ், தமிழ், தெலுங்கில் இந்த படத்தை இயக்கி உள்ளார். காட்டி படத்துக்காக மற்ற படங்களில் நடிக்காமல் இருந்து இருக்கிறார் அனுஷ்கா. அவருக்கு பாகுபலி தவிர அடுத்து நடித்த படங்கள் ஹிட்டாகவில்லை என்பதும் குறிப்பிடத்தக்கது.