அமீர்கான் படத்தை கைவிட்டாரா லோகேஷ் கனகராஜ்

ரஜினியை வைத்து தான் இயக்கிய கூலி படத்தில் நாகார்ஜுனா, உபேந்திரா, சவுபின் ஷாகிர், சத்யராஜ், ஸ்ருதிஹாசன் உள்ளிட்ட பலரை முக்கிய வேடங்களில் நடிக்க வைத்த லோகேஷ் கனகராஜ், ஹிந்தி நடிகர் அமீர்கானையும் கெஸ்ட் ரோலில் நடிக்க வைத்திருந்தார். இந்த படத்தின் படப்பிடிப்பு நடைபெற்று வந்தபோது, அடுத்தபடியாக அமீர்கான் நடிப்பில் ஒரு படத்தை லோகேஷ் கனகராஜ் இயக்க இருப்பதாகவும் தகவல்கள் வெளியாகி வந்தன. அதோடு கார்த்தி நடிப்பில் கைதி-2 படத்தையும் இயக்குவார் என்றும் கூறப்பட்டது.

ஆனால் தற்போது கூலி படத்திற்கு பிறகு ரஜினி , கமலை இணைத்து ஒரு படம் இயக்கும் முயற்சியில் அவர் இறங்கி இருக்கிறார். இந்த படத்தில் நடிப்பதற்கு அவர்களும் ஒத்துக் கொண்டிருப்பதால் அடுத்தபடியாக அமீர்கானை வைத்து படம் இயக்கும் திட்டத்தை கைவிட்டு விட்டார் லோகேஷ் கனகராஜ் என தகவல்கள் வருகின்றன. அதுமட்டுமின்றி கார்த்தி நடிப்பில் தான் இயக்க இருந்த கைதி-2 படத்தையும் கால தள்ளி வைத்திருக்கிறார்.