சிவகார்த்திகேயன் அடுத்து நடிக்க போகும் 3 படங்கள் விபரம்

அமரன் படத்தை அடுத்து ஏ.ஆர்.முருகதாஸ் இயக்கத்தில் சிவகார்த்திகேயன் நடித்துள்ள மதராஸி படம் கடந்த ஐந்தாம் தேதி திரைக்கு வந்து ஓடிக்கொண்டிருக்கிறது. இந்த நிலையில் தற்போது சுதா கெங்கரா இயக்கும் தனது 25 வது படமான பராசக்தியில் நடித்து வருகிறார் சிவகார்த்திகேயன். இப்படம் 2026ம் ஆண்டு ஜனவரியில் திரைக்கு வருகிறது.

இந்த படத்தை அடுத்து அவர் நடிக்கப் போகும் மூன்று படங்கள் குறித்த தகவல் வெளியாகி உள்ளது. அதில், முதல் படமாக ஏற்கனவே தன்னை வைத்து டான் படத்தை இயக்கிய சிபி சக்ரவர்த்தி இயக்கும் படத்தில் நடிக்கப் போகிறார். அதன் பிறகு வெங்கட் பிரபு இயக்கும் படத்தில் நடிப்பவர், அந்த படத்தை முடித்ததும் புஷ்கர் காயத்ரி இயக்கும் படத்தில் நடிக்கிறாராம்.

அதேசமயம் குட் நைட் படத்தை இயக்கிய விநாயக் சந்திரசேகர் இயக்கும் படத்தில் சிவகார்த்திகேயன் நடிப்பதாக தொடர்ந்து செய்திகள் வெளியாகி வந்த நிலையில் அந்த படம் தள்ளி வைக்கப்பட்டு இருப்பதாக தெரிய வந்துள்ளது .