மதராஸி, லோகா படங்களின் பாக்ஸ் ஆபீஸ் தகவல் வெளியானது!

ஏ.ஆர்.முருகதாஸ் இயக்கத்தில் சிவகார்த்திகேயன், ருக்மணி வசந்த், வித்யுத் ஜம்வால், ஷபீர், பிஜு மேனன், விக்ராந்த் ஆகியோர் நடிப்பில் செப்டம்பர் ஐந்தாம் தேதி திரைக்கு வந்த படம் 'மதராஸி'. கலவையான விமர்சனங்களை பெற்ற இந்த படம் கடந்த 9 நாட்களில் 88 கோடி ரூபாய் வசூல் செய்திருப்பதாக பாக்ஸ் ஆபிஸ் தகவல் தெரிவிக்கிறது.

அதேபோல், மலையாளத்தில் டொமினிக் அருண் இயக்கத்தில் கல்யாணி பிரியதர்ஷன் கதையின் நாயகியாக நடித்து கடந்த ஆகஸ்டு 28ம் தேதி திரைக்கு வந்த படம் 'லோகா சாப்டர்-1'. இந்த படத்தை மலையாள நடிகர் துல்கர் சல்மான் தயாரித்துள்ளார். ரசிகர்களின் அமோகமான வரவேற்பை பெற்று வரும் இந்த படம் திரைக்கு வந்து 17 நாட்கள் ஆகும் நிலையில் இதுவரை பாக்ஸ் ஆபிஸில் 235 கோடி வசூல் செய்திருப்பதாக தகவல் வெளியாகியுள்ளது.