பிளாஷ்பேக் : நிஜமான குத்துச்சண்டை காட்சி இணைக்கப்பட்ட படம்

1950களில் படத்தை நோக்கி மக்களை இழுப்பதற்காக சில கவர்ச்சிகரமான விஷயங்கள் சேர்க்கப்பட்டன. குறிப்பாக லலிதா, பத்மினி நடனங்கள் இணைக்கப்படும். அல்லது நகைச்சுகை தனி டிராக்காக எடுக்கப்பட்டு இணைக்கப்படும், சர்க்கஸ் காட்சிகள் இணைக்கப்படும். அப்படியான படங்களில் ஒன்று 'பொன்னி'. இந்த படத்தை ஏ.எஸ்.சாமி இயக்கினார். பாதி படத்தில் அவர் விலகிக் கொள்ள, மீதி படத்தை ஸ்ரீனிவாசராவ் இயக்கினார்.

பத்மினி, ஸ்ரீராம், லலிதா, டி.பாலசுப்ரமணியம், டி.எஸ்.துரைராஜ், பி.சாந்தகுமாரி, எம்.ஆர்.சுவாமிநாதன், எம்.எல்.என்.கவுசிக், வி.எம்.ஏழுமலை, என்.எஸ். நாராயண பிள்ளை, டி.பி.பொன்னுசாமி பிள்ளை, பி.எஸ்.ஞானம், கே.எஸ்.கன்னையா, சி.கே. நடராஜ், பொன்னையா, பச்சைநாயகி, 'பேபி' ஆஷா, சி.ஆர். சந்திரகுமாரி, உள்ளிட்ட பலர் நடித்தனர்.

இது சதாரண குடும்ப கதைதான் அதனால் 'பாமா விஜயம்' என்ற நாட்டிய நாடகம் படத்தில் இணைக்கப்பட்டது. இதில் ராகினியும், அம்பிகாவும், சுகுமாரியும் ஆடினார்கள். அதோடு இந்தியாவின் முன்னணி குத்துச்சண்டை வீரர்களான தாரா சிங், கிங் காங் மோதும் நிஜமான குத்துச் சண்டை காட்சிகளும் இணைக்கப்பட்டன.