தனுஷ், மோகன்லால் கூட்டணியை உருவாக்க முயற்சி

நடிகர் தனுஷ் நடிப்பு, இயக்கத்தில் இருதினங்களுக்கு முன் ‛இட்லி கடை' படம் வெளியானது. இதை தொடர்ந்து தற்போது விக்னேஷ் ராஜா இயக்கத்தில் தனுஷ் நடித்து வருகிறார். இதையடுத்து ராஜ்குமார் பெரியசாமி, தமிழரசன் பச்சமுத்து ஆகியோர் இயக்கத்தில் தனுஷ் நடிக்கவுள்ளார்.

தனுஷ் வாத்தி, குபேரா ஆகிய படங்களை தொடர்ந்து மீண்டும் ஒரு தெலுங்கு படக்குழு உடன் இணைந்து நடிக்கவுள்ளார். விராடா பர்வம் இயக்குனர் வேணு உடுகுலா இயக்கும் அடுத்த படத்தில் தனுஷ் கதாநாயகனாக நடிக்கவுள்ளார். இந்த படத்தை பிரபல தயாரிப்பு நிறுவனமான யு.வி.கிரியேஷன்ஸ் நிறுவனம் தயாரிக்கின்றனர் என ஏற்கனவே தகவல் வெளியானது.

இந்த படத்தில் தனுஷூடன் இணைந்து ஒரு முக்கியமான கதாபாத்திரத்தில் மலையாள நடிகர் மோகன்லாலை நடிக்க வைப்பதற்கான பேச்சுவார்த்தை நடைபெற்று வருவதாக தெலுங்கு சினிமா வட்டாரத்தில் தெரிவிக்கின்றனர். ஏற்கனவே மோகன்லாலிடம் அஜித், சிவகார்த்திகேயன் போன்ற நடிகர்களின் படங்களில் நடிப்பதற்கான பேச்சுவார்த்தைகள் தொடர்ந்து நடைபெற்று வருகிறது.