விஷ்ணு எடவனை டிக் செய்த விக்ரம்
ADDED : 2 days ago
அருண் குமார் இயக்கத்தில் விக்ரம் நடித்த வீர தீரசூரன் ரிலீஸ் ஆகி 6 மாதங்களுக்குமேல் ஆகிவிட்டது. ஆனாலும், அடுத்த படத்தில் நடிக்காமல் இருக்கிறார் விக்ரம். 96 பிரேம்குமார், மடோன் அஸ்வின் உள்ளிட்ட சிலரது படத்தில் அவர் நடிப்பதாக இருந்தது. ஆனால், சில காரணங்களால் அது நடக்கவில்லை.
கடைசியாக விஷ்ணு எடவன் இயக்கத்தில் அவர் நடிப்பது உறுதியாகி உள்ளது. விரைவில் படப்பிடிப்பு தொடங்க உள்ளது. நயன்தாரா, கவின் இணைந்து நடித்த ஒரு படத்தை இயக்கியவர் விஷ்ணு. அந்த படம் இன்னமும் வரவில்லை. லோகேஷ் கனகராஜின் 'மாநகரம்', 'கைதி' போன்ற படங்களில் உதவியாளராகவும், 'கைதி' மற்றும் 'விக்ரம்' படங்களில் பாடலாசிரியராகவும் விஷ்ணு எடவன் பணியாற்றியுள்ளார் என்பது குறிப்பிடத்தக்கது. விக்ரம் படத்துக்கு ஹீரோயின் மற்ற கேரக்டர்கள் தேடும் பணி தீவிரமாக நடக்கிறது.