அர்ஜுன் படத்தின் புதிய அப்டேட்!
தமிழ் சினிமாவில் 90, 2000 ஆரம்ப காலகட்டத்தில் ஆக்சன் கிங் ஆக வலம் வந்தவர் அர்ஜூன். 150க்கும் மேற்பட்ட படங்களில் நடித்துள்ளார்.
தற்போது நீண்ட இடைவெளிக்குப் பிறகு அர்ஜுன் மீண்டும் புதிதாக உருவாகி வரும் படத்தில் கதாநாயகனாக நடித்து வருகிறார். இந்த படத்தை ஏ.ஜி.எஸ் நிறுவனம் தயாரிக்கின்றனர். இதனை பிரதீப் ரங்கநாதனின் உதவி இயக்குநர் சுபாஷ் என்பவர் இயக்குகிறார்.
இந்த படத்தில் அர்ஜுனுக்கு ஜோடியாக 'விருமாண்டி' அபிராமி நடிக்கிறார். இவர்களுக்கு மகள் கதாபாத்திரத்தில் 'ஸ்டார்' படத்தின் மூலம் பிரபலமான பிரீத்தி முகுந்தன் நடிக்கிறார் மற்றும் விவேக் பிரசன்னா, ஜான் கொக்கென், அர்ஜுன் சிதம்பரம், பவன், திலீபன், வினோத் சாகர் உள்ளிட்டோர் இப்படத்தில் முக்கிய கதாபாத்திரங்களில் நடிக்கின்றனர். இந்த படத்திற்கு கே.ஜி.எப் இசையமைப்பாளர் ரவி பசூர் இசையமைக்கிறார்.
இந்த படத்தை அறிவித்த பிறகு பலரும் இது ஒரு பேமிலி டிராமா கதை களத்தில் தான் உருவாகிறது என கூறினார்கள். ஆனால், இதில் அப்பா, மகள் சென்டிமென்ட் கதைகளத்தை தாண்டி இந்த படத்தில் சுமாராக அதிரடியான ஆறு ஆக்சன் காட்சிகள் இடம்பெறுகிறது. இந்த படத்தின் முதற்கட்ட படப்பிடிப்பு விறுவிறுப்பாக நடைபெற்று வருகிறது என்கிறார்கள்.