கிறிஸ்துமஸ் ரிலீஸாக வெளியாகும் நிவின்பாலியின் 'சர்வம் மாயா'

மலையாள திரையுலகில் தற்போது அதிக படங்களில் நடிப்பது யார் என்றால் அது நடிகர் நிவின்பாலி தான். ஏற்கனவே சில படங்கள் படப்பிடிப்பு முடிந்து ரிலீஸுக்கு தயாராகி வரும் நிலையில் இன்னும் சில படங்களில் நடித்து வருகிறார் நிவின்பாலி. அப்படி தமிழில் 'ஏழு கடல் ஏழு மலை', ராகவா லாரன்ஸ் நடிக்கும் 'பென்ஸ்' ஆகிய படங்களில் நடித்துள்ள நிவின்பாலி, மலையாளத்தில் நயன்தாராவுடன் இணைந்து நடித்த 'டியர் ஸ்டூடண்ட்ஸ்' மற்றும் அவர் நடித்து வரும் ஹாரர் படமான 'சர்வம் மாயா' ஆகிய படங்கள் அடுத்தடுத்து ரிலீசுக்கு தயாராக இருக்கின்றன.

இந்த நிலையில் சமீபத்தில் நிவின்பாலியின் பிறந்தநாளை முன்னிட்டு 'சர்வம் மாயா' படத்தின் டீசர் வெளியிடப்பட்டது. அதுமட்டுமல்ல இந்த படம் வரும் கிறிஸ்துமஸ் பண்டிகை கொண்டாட்டமாக ரிலீஸ் ஆக இருக்கிறது என்கிற அறிவிப்பும் வெளியாகி உள்ளது. இந்த படத்தில் கதாநாயகியாக 'கண்ணப்பா' புகழ் பிரீத்தி முகுந்தன் நடிக்க, படத்தை பிரபல இயக்குனர் சத்யன் அந்திக்காடுவின் மகன் அகில் சத்யன் இயக்கி வருகிறார்.