அல்லு அர்ஜுனை தொடர்ந்து 'கேஜிஎப்' நாயகன் யஷை இயக்கும் அட்லி!

ஷாருக்கான் நடித்த 'ஜவான்' படத்தை அடுத்து தற்போது அல்லு அர்ஜுன் நடிக்கும் தனது 6வது படத்தை இயக்கி வருகிறார் அட்லி. பான் இந்தியா கதையில் உருவாகும் இந்த படத்தின் படப்பிடிப்பு தொடர்ந்து மும்பையில் நடைபெற்று வருகிறது.
இந்த நிலையில், அல்லு அர்ஜுனை தொடர்ந்து 'கேஜிஎப்' பட நாயகன் யஷ் நடிப்பில் தனது அடுத்த படத்தை அட்லி இயக்கப் போவதாக ஒரு புதிய தகவல் வெளியாகி உள்ளது. அந்த படத்தையும் தற்போது அல்லு அர்ஜுன் நடிக்கும் படத்தை போலவே பிரமாண்ட பட்ஜெட்டில் பான் இந்தியா படமாக இயக்க திட்டமிட்டுள்ளாராம் அட்லி.

மேலும், தற்போது 'ராமாயணா' படத்தின் இரு பாகங்களில் நடித்து வரும் யஷ், நடிகை கீது மோகன் இயக்கும் 'டாக்ஸிக்' படத்திலும் நடித்து வருகிறார். அதனால் இந்த படங்களுக்கு பிறகு அட்லி இயக்கும் படத்தில் அவர் நடிப்பார் என்பது தெரியவந்துள்ளது.